• Rus Dili
  • Reklam
    » » Azərbaycanda notariat kontorlarına əlavə səlahiyyətlər verilir
    

    Azərbaycanda notariat kontorlarına əlavə səlahiyyətlər verilir

    6-06-2016, 18:47
    Oxunub: 633
    Şərhlər: 0
    Çap versiyası
     Azərbaycanda notariat kontorlarına əlavə səlahiyyətlər verilir
    Milli Məclisin Hüquq siyasəti və dövlət quruculuğu komitəsinin iclası keçirilib.

    “Report”un xəbərinə görə, komitə sədri Əli Hüseynli bildirib ki, iclasın gündəliyinə 3 məsələ daxil edilib.

    İlk iki məsələ “Notariat haqqında” və “Daşınmaz əmlakın dövlət reyestri haqqında” qanunlara dəyişikliklər edilməsi barədə olub.

    Belə ki, “Notariat haqqında” Qanunun 18-ci maddəsinin 1-ci hissəsinə 6-cı bəndin əlavə edilməsi təklif olunur. Həmin əlavəyə əsasən, notariat hərəkətləri aparan digər vəzifəli şəxslərə sahəsi beş hektardan çox olmayan xüsusi mülkiyyətdə olan kənd təsərrüfatı təyinatlı torpaq sahələrinin bir ildən artıq olmayan müddətə icarəyə və istifadəyə verilməsi barədə müqavilələri, habelə həmin torpaq sahələrinin iki ildən artıq olmayan müddətə icarəyə və istifadəyə verilməsinə dair etibarnamələri təsdiq etmək səlahiyyəti verilir.
    Həmçinin, bu qanunun 32-ci maddəsinin yeddinci hissəsində və “Daşınmaz əmlakın dövlət reyestri haqqında” Qanunun 5.1-2-ci maddəsində “notarius” sözündən sonra “notariat hərəkətləri aparan digər vəzifəli şəxslər” sözləri əlavə edilir.

    Çıxış edən deputatlar Rövşən Rzayev və Fəzail Ağamalı bu dəyişikliklərin kənd təsərrüfatının inkişafına xidmət etdiyini və insanların işini asanlaşdıracağını diqqətə çatdırıblar.

    Sonra gündəlikdəki üçüncü məsələ - Miqrasiya Məcəlləsində dəyişikliklər edilməsi haqqında məlumat verilib. Bildirildi ki, məcəllənin 38-ci maddəsinə təklif olunan dəyişiklik Prezident İlham Əliyevin sərəncamı ilə yaradılmış “ASAN Viza” sisteminin fəaliyyətinin təşkili ilə bağlıdır. Həmin maddədə elektron vizanın alınması barədə müraciətə baxılması müddəti, vizanın qüvvədə olma müddəti, vizanın müddətinin uzadılmasına qoyulan tələblər və digər məsələlər öz əksini tapmışdır. Çıxış edən deputatlar Qüdrət Həsənquliyev, Vüsal Hüseynov, Çingiz Qənizadə, Məlahət İbrahimqızı və dəvət edilmiş qonaqlar bu sistemin ölkəmizdə turizmin inkişafına təkan verəcəyini deyiblər.

    Müzakirələrin sonunda gündəlikdəki hər üç qanun layihəsi Milli Məclisin plenar iclasında müzakirəyə tövsiyə edilib.скачать dle 10.6фильмы бесплатно
    <
    Məqalənin reytinqi:
      
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.