• Rus Dili
  • Reklam
    » » Fuad Qəhrəmanlı girovla buraxılmadı
    

    Fuad Qəhrəmanlı girovla buraxılmadı

    2-03-2016, 22:32
    Oxunub: 535
    Şərhlər: 0
    Çap versiyası
    Fuad Qəhrəmanlı girovla buraxılmadı
    AXCP sədrinin müavini barəsində həbs-qətimkan tədbirinin müddəti daha iki ay uzadılıb

    Martın 2-də Nəsimi Rayon Məhkəməsində AXCP sədrinin həbsdə olan müavini Fuad Qəhrəmanlının işi üzrə iki məhkəmə prosesi keçirilib.

    Bunlardan birincisi Fuad Qəhrəmanlının istintaq dövründə girov müqabilində həbsdən buraxılması barədə olub.

    Fuad Qəhrəmanlı ilə bağlı ikinci məhkəmə prosesi isə Baş Prokurorluğun təqdimatı əsasında keçirilib. Prokurorluq Fuad Qəhrəmanlı barəsində həbs-qətimkan tədbirinin uzadılması üçün məhkəməyə təqdimat verib.

    Qapalı keçirilən hər iki məhkəmə prosesində Fuad Qəhrəmanlı özü də iştirak edib. Vəkil Fəxrəddin Mehdiyev AzadlıqRadiosuna bildirib ki, girov müqabilində həbs-qətimkan tədbirinin dəyişdirilməsinə dair vəsatət təmin olunmayıb: "Hakim qərarında vəsatətimizi rədd etməsinin səbəbini əsaslandırmadı. Bu əsassız qərardan da apellyasiya şikayəti verəcəyik".

    “ETİRAZA EHTİYAC YOXDUR”
    Fuad Qəhrəmanlı girovla buraxılmadı
    Vəkil deyir ki, həbs-qətimkan tədbirinin uzadılmasına dair təqdimata hakim Şəlalə Həsənovanın baxmasına etiraz etmək istəyib. Lakin Fuad Qəhrəmanlı imkan verməyib:

    "Çünki Fuad Qəhrəmanlı saxlanıldığı gün onun barəsində heç bir əsas olmadan həbs-hətimkan tədbirinin seçilməsinə dair qərarı da bu hakim vermişdi. Üstəlik, Fuad Qəhrəmanlıya elan olunan ittihamlar az ağır cinayətlər kateqoriyasına daxil olduğu halda, bu xanım hakim öz qərarında ittihamı ağır cinayətlər kateqoriyasına aid eləmişdi. Məsləhətləşərkən Fuad Qəhrəmanlı bildirdi ki, “etiraza ehtiyac yoxdur. Çünki bundan alıb hansı hakimə versələr, o da deyiləni yerinə yetirəcək”".

    Azadliq.orgскачать dle 10.6фильмы бесплатно
    <
    Məqalənin reytinqi:
      
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.